Me mijëra qytetarë kanë nisur protestimin e 17-të para Kryeministrisë duke ngritur zërin sërish kundër investimeve amerikane në Zvërnec. Ndërsa mësohet se nga dita e nesërme orari i protestës do të ndryshojë për shkak të temperaturave të larta.
Nga dita e nesërme protesta në Tiranë do të startojë në orën 19:00 për të vijuar më tej me “traditën” disa ditore, marshimin nëpër kryeqytet.
“Nesër kemi vendosur një orar të ri, nga nesër në orën 19:00”, është shprehur një nga organizatorët e protestës.
Aktualisht, mijëra qytetarë kanë “zbarkuar” poshtë zyrës së kryeministrit Edi Ram, ndërsa të pranishëm mësohet të jenë dhe turistë të huaj të ardhur nga Australia, Zvicra dhe Mbretëria e Bashkuar, të cilët mbajnë me vete simbole kombëtare shqiptare dhe simbole të flamingove.
Ashtu si në 16 ditët e mëparshme, pritet që pas mbajtjes së fjalimeve para Kryeministrisë ku qytetarët adresojnë para mijëra personave kauzat e tyre, ata do të marshojnë nëpër kryeqytet për t’u rikthyer në “finishin” e tyre, poshtë zyrës së kryeministrit Rama. Nga ku si çdo mbrëmje thërrasin: Nesër më shumë!
